अशा देवतेचे जगी नाव आई।।

श्री मुकुंद आनंद ढाके यांनी आई, प्रमिला आनंद ढाके यांच्या स्मृतिप्रीत्यर्थ पाठविलेली कविता

जगी माऊली सारखे कोण आहे ।
जिचे जन्मजन्मांतरी ऋण आहे।।

असे ऋण हे की जया व्याज नाही।
ऋणाविन त्या जीवना साज नाही ।।

जिने सोसल्या यातना कोटी कोटी ।
तुला जन्म लाभे तिच्या पुण्य पोटी।।

जिच्या यातनाचे जगी मोल नाही ।
तिच्या सारखा लाघवी बोल नाही।।

जिने लाविला लेकरांना लळा या।
तिच्या दैवी लेखी उन्हाळी झळा या ।।

जिच्या पूजनाला जगी फूल नाही ।
अशा देवतेचे जगी नाव आई।।
मुकुंद ढाके, बहारीन

mukunddhake@gmail.com